كتبت / زيزي صلاح
انا فرحانه .. انا فرحانه
معقول ياناس ده حصل والفرح جانى ودق يابى ايوه حصل انا مش يحلم .
باركولى خلاص باركولى
وتعالو كمان شاركونى الفرحه ياكل احبابى .. ده خلاص الفرح جانى وخبط على بابى انا
الفرحه مش سيعانى أنى
خلاص يازمن رجعت تصفالى وجيت معاك الفرحه ياغالى فرحة عمرى الى بستناها
طول عمرى معقول يا ناس
ده حصل وهفرح وعيش
زى باقى البشر انا كنت
خلاص نسيت الفرحه ومعدش عندى أمل لبكره معقوله
ياناس تطلع الشمش تانى وتشرق من جديد انا من
كتر الفرحه حاسه أنى بحلم
اتارى كل ده كان وهم … واشوف القدر من بعيد واقف وبيضحك لى وكمان شمتان
فيا .. واقف فى أيده كان
حزنى اللى فى يوم مافرقني
وقالى اصحى وفوقى من أحلامك انتى خلاص صدقتى أوهامك اصحى وفوقى دى مش ليكى انا والحزن قدرك ونصيبك ملكيش غيرنا وملناش غيرك
احنا لبعض مقسومين ارضى وعيشى ومع غيرنا ماتتعشميش
بس انا كان نفسى أفرح وعيش هو انا ليه ديما مليش فى الفرح نصيب انا كان قلبى هيقف من الفرحه .. ياقدرحرام عليك فوقتنى طيب كنت سبنى
افرح يومين كان نفسى ادوق
الحلو بعد سنين المرار ..
لا ياختى فوقى خلاص منا قولتلك قبل كده مالكيش
نصيب فى الفرح نصيبك
فى دنيتك الحزن والآلام .
الفرح ده مش ليكى ولا فى
يوم هيكون ليكى يبقى متعشميش نفسك بىا ولا
حتى تحلمى انك فى يوم تلقي نصيبك .. هو انا ممكن اسأل سؤال ليك ؟؟ ولا ده حتى ماليش حق فيه طيب ليه
جتلى بالفرحه لحد عندى
وجبتها معاك ووقفت على
بابى وخبط بالفرحة وبايدك ادتهالى وغزلتلى معها توب
الفرح والهنا .. انا فاكره
يومها انا قولتلى خلاص
يابنتى افرحى انا جاى
أصالحك وجيبلك معايا توب الهنا هلبسهولك بايدى وأوعى فى يوم تقلعيه .. اقلعى توب الحزن وأرمىه .. ولا اقولك
قومى ولعى فيه ..
عملت انا بنصحتك ورميت
توبى الى واخده عليه ..
وجاى دلوقتى تقولى لا محدش قالك أرميه .. طيب ده ذمبى .أنى صدقتك وقولت لنفس خلاص يابت القدر جاى يصالحك وصدقت يومها وعدك
جاى دلوقتى وتقولى اصحى . خلاص من الوهم طيب كنت جاى ليه .. مش كفايه اللى شوفته جاى تكمل كمان عليا
هو أنت كرهنى اوي كده ليه
هو انا بينى وبينك ايه ..
علشان تعشمنى بالفرحه وتخلينى احلم وتيجى
وتفوقنى على كابوس مؤلم حرام عليك كفايا انا تعبت منك وفيك .. لا عنت عاوزه منك
لفرح ولا حزن .
انت بتقولى الحزن توبك
طيب ازاى أعيش تانى
معاه بعد مادوقت معاك
الفرح ماكنت تسبنى فى.
حالى وكنت عايشه وراضى بالحزن والمر وبكل شىء راضيه جيت انت ف يوم ودمرت كل شىء حتى عيشتى الى كنت راضيه بيها استكترتها كمان
عليا .. طيب انا دلوقتى اعمل ايه ؟؟؟؟؟
