ياعناية يامركزة يا..داخلك مفقود وخارجك مولود
بقلم الاعلامية مروة محمود
من المعروف ان العناية المركزه داخل المستشفيات سواء الخاصة او العامة تكون للاشخاص الذين حالتهم حرجه او لديهم خلل وظيفى عام فى احد الاعضاء او وظائف الجسم بصفة عامة
باختصار العناية المركزه وظيفتها هى مراقبة المرضى و متابعتهم و العمل و الحفاظ ايضا على استقرار حالتهم على مدار الساعه فى حال تعرضهم لحاله مرضيه طارئه….و لكن….
اصبحت العناية المركزه فى بعض الاماكن بل و اكثرها داخل المستشفيات العامة و الخاصة بصفة خاصة خطوة تحضيرية للموت المؤكد .
نبص بصه كدهون على المستشفيات الخاصو
بعد دخول المريض و استقبال المرافق له بحفاوه كأنك داخل فندق خمس نجوم مش مستشفى و لو انت شخصيه عامه زى حالاتى ياخدوا المريض على طول يعملوا تقييم لحالته قبل ما يقوللك سيب تأمين ٣٠ الف جنيه…
على اعتبار ان الفلوس معاك طبعا لان دى مصروفات يوميه للبيبسي و الشاى و اكراميات السايس و السائل و المحروم اللى ممكن يكون بيقابلهم الدكتور المستثمر صاحب المستشفى فى طريقه لهذا الصرح المربح
و اللى الله اعلم كمان بيعطيهم مما اعطاه الله و لا لا…
ما علينا …بعد تقييم حالة المريض بعد دخوله يكون القرار الاول
( لازم يتحجز فى العنايه المركزه )
و انت من خضتك يا عينى على اهلك و زويك يا حرام بتوافق طبعا و لو بقى شافوا الحاله و قرروا انها حاله حرجه تتطلع الحسابات تقوللك عايزين عشرة الاف كمان لان الحاله حرجه..
محدش يتخض احنا قولنا انهم فى جيب كل مواطن مصرى
( جمهوريه جديده بقى و كده )
و تبدا رحلة العنايه…..
انت المفروض بتبتدى تطمن لما الحاله تبقى تحت ايديهم مش تحت اشرافك انت او فى البيت …و لكن …
بعد مرور اليوم الاول و الثانى و سحب عينات دم يوميه تكتشف ان المريض يا عين امه بياخد محاليل و فيتامينات و مقويات فقط و معاهم اى نوع مضاد حيوى
و لما تسأل ليه المضاد الحيوى يقوللك علشان اى فيروسات او بكتيريا و ده اعتراف ضمنى ان الحاجات دى ممكن تتنقل من عندهم
و يبقى اسمنا بالمرة يعنى حللنا الفلوس اللى بتدفع فى العناية يوميا
و يبتدى التشخيص الفعلى للحاله من اليوم الثالث و نبتدى نغير فى المضاد الحيوى اللى بقاله ٣ ايام فقط باعتباره غير مناسب للحاله
و يفضلوا راكبين على نفس الحاله لغاية ما يوصلوها للموت فعليا و ده لان( اللى بيخاف من العفريت بيطلع له) سواء بعدوى عن طريق الجهاز التنفسي من جهاز التنفس الصناعى
او عن طريق جهاز الرايل اللى التمريض مبيعرفش يركبه اصلا … و تكتشف بعد كده ان من اول الفم لغايه المعده فى تجريح و دم متجلط مكان كل التركيبات دى و اللى بتتعمل اما بالعافيه او لا مؤاخذه بالفهلوه او بالتمريض اللى داخل بيتشدق باللبان
و يقول للمرافق مش مفروض تكون موجود و احنا شغاليين و ده فى حالة انك تكون واقف بتشوف المريض بيحصل فيه ايه علشان تطمن عليه بما ان الحاله حرجه….
او عن طريق المسالك البوليه و تركيب الاساطر ..او عن طريق الدم و تركيبالسنتر بما ان اوردة المريض ضعيفه و اللى التمريض برضو مبيعرفش يركبه و لازم دكتور العناية هو اللى يقوم بتركيبه و ده هيهات طبعا
و للحقيقة صادفنى نقاش لطيف بين صاحب و مدير المستشفى و هو طبيب ايضا لكن لا يمت للطب بصلة الصفة التى تمتلك فى طياتها الرحمة و الضمير مع الاخصائي المسئول عن العناية المركزه
المستثمر …انت بتكتب للناس على خروج بعد ٣ او ٤ ايام ليه ؟؟؟ ما تخليهم شويه يا دكتور !!!!
اخصائي العناية ….اخليهم ليه و هما مش فى احتياج للمستشفى !!!!
و يبعت المستثمر لاهل المريض يقول لهم ما تخليكم شويه….خروج المريض خطر فى الوقت الحالى و كأنهم قاعدين فى فندق مش مستشفى!!!!!!
خد عندك بقى كل ده بخلاف العصافير اللى متسلطه على الدكاتره و على التمريض و على الحالات الموجوده داخل الصرح الاستثمارى منهم فيهم
اى كلمه تتقال من قبل الاستشارى للمريض و اهله تكون عند ولى نعمتهم دون خوف من الله و لا مراعاه للضمير
اما للشق الغلبان و هو العنايه المركزه فى المستشفيات الحكومى فالحقيقه مجهودهم اقل مع المريض لانهم لا يمتلكوا اصلا كل هذا الكم من الاجهزه ليضعوا عليها المرضى …
التكلفه فقط سرير فاضى موجود طبيعى فى المستشفى و الاكل عباره عن كوب زبادى و رغيف عيش يترمى بجانب المريض و حبة ممرضات قاعدين يتكلموا مع بعض فى النادى اللى بالخطأ يطلق عليه عنايه مركزه
و يموت المريض من قلة العلاج و قلة الاهتمام و ضجيج العنايه اللى مفروض انها يا حول الله مركزه
لمن نوجه اللوم الان ؟؟؟
نتوجه بهذه الكلمات لمن حتى يتوقف استنزاف المريض داخل هذه المنظومه الفاشله التى تسمى مستشفي و التى تعنى مشفى يدخل فيه المريض ليخرج بعد ذلك بكامل صحته او على الاقل تم شفاؤه مما يعانى مش يخرج يا اما شحات يا اما ميت
- هل المطلوب فى الجمهوريه الجديده ان نوجه اللوم للرئيس عبد الفتاح السيسي لانه لسه لغاية دلوقتى لم يقف بحسم امام المنظومة الطبية الفاشلة التى تسمى مستشفيات خاصه
الكارثة بقى و الطامة الكبرى فى منظومة التأمين الصحى !!!!
و ما ادراكم بقى
..ملحوظة..
تدخل المستشفى ٨ بالليل لغاية ١٢ ظهرا تانى يوم يقولك كده انت عليك فاتوره و من ١٢ ظهرا دى فاتوره تانيه نفسي بتاع الحسابات يخرج يدى دروس خاصه للمدرسين فى المدارس علشان يعلموا جيل الجمهورية الجديدة يسرقوا ازاى
..مرفق فاتوره بليلة واحدة..
