الكل مدين لـ مصر الا هذه العائله مصر مدينه لها؟!

كتب الاعلامي: أحمد الطيب

 

 

 

“الكل مدين لـ مصر الا هذه العائله مصر مدينه لها” كلمات قالها نجيب محفوظ عن عائلة الجميلة (اياح حتب 𓇋𓂝𓎛𓊵 اصل الاسم اعح حتب ومعناه القمر المطمئن) عاشت على ارض مصر من حوالي 3570سنه

زوجها هو الشهيد (سقنن رع𓇳𓊃𓈎𓈖𓈖 ومعناه ابن الشمس القوى او الشجاع) وابنها الاكبر هو الملك (كامس𓂓𓄟 معنى الاسم ابن الثور ، والثور مش شتيمه ده لقب كنايه عن القوه ) اللى قاتل الهكسوس بكل ما أوتي من قوة وقدر يحرر جزء من ارض مصر التي كانت تحت حكم الهكسوس الرعاع.

 

ابنها الأصغر( أحمس𓇋𓂝𓎛𓄟 اصل الاسم اعح مس ومعناه ابن القمر ، متسمي على اسم امه) حرر البلاد وطرد الرعاع 

بدأت الحكاية لما تلقى زوجها رسالة وقحة من أبو فيس ملك الهكسوس الرعاع يطلب منه طلبين

الأول هو أن يسكت أصوات أفراس النهر في طيبة لأنها تزعجه في منف (الرساله معناها “انه عارف ان سقن رع بيخطط يحاربه وبيقوله بطل دوشه مفيش فايده م اللى بتعمله)

 

و الطلب الثاني انه يترك عبادة الإله الواحد و يعبد إلهه سوتخ.

 

غضبت اياح من وقاحة ملك الرعاع وشجعت زوجها على حربهم والتخلص منهم…ولكن كان فى مشكلة مكنش فيه جيش قوي قررت القويه اياح حتب تنزل بنفسها لـ مدن وقرى مصر وتجييش الجيش لمحاربة الاسيويين الرعاع

استشهد سقن رع ف الحرب وتم التمثيل بجثمانه “الكلام مش هيقدر يوصف العذاب اللى شافه” لكنها مستسلمتش زاد اصرارها على القتال وبدات تجهز ولادها عشان يكملو مكان ابوهم  

تولى ابنها كامس الحكم وقدر يحرر جزء من الأرض المصرية فاستطاع أن يصل إلى مدينة حلوان الحالية ويطرد الرعاع منها انقطعت اخباره ولقى مصير والده

تولى الحكم من بعده أعح مس ابن القمر كان عمره 18عام ورغم سنه الصغير قالت له بالنص:

“لن أسمع منك كلمة أمى، ولن تسمع منى كلمة ابنى حتى نحرر كمت أرضنا المقدسة” 

كانت أول ست تقود الجيوش وتحارب في أرض المعركة .انتصرت وجه القمر وابنها اللى سمته على اسمها ابن القمر وأفناهم أحمس عن بكرة أبيهم.

حصلت على أرفع الأوسمة الحربية وهو وسام الذبابة الذهبية كانت أول امرأة تحصل على رتبة عسكريه وهي الجنرال.

أصبح يوم التحرير عيد وفضلو الناس يغنوا باسمها “واح واح إياح”

واحنا كمان لسه بنغنى باسمها وحوى يا وحوي اياحا 

تزوق حلاوة معانى اسماء الاجداد اللى امنوا بقوه الكلمه وكان ليهم نصيب كبير من اسماؤهم