كتبت/ فوقية عاشور
منين جالها الثبات ده بجد
دي كانت وقتها صامده
طب اقرأي الورقة من تاني
بتتنازلي بثبات عن إيه
وركزي بس لثواني
دا لحمك ده إللي هترميه
ولو ناسيه سنين ضعفك
ومين إللي مسك كفك
وتاتاكي وكنتي ضعيفه قواكي
وخد بإديكي للدنيا
مفكرتيش ولو ثانيه ؟
في مين تعبت على جهازك
تبيعي فيها بمزاجك !
ومين شالت ومين ربت
ومين سهرت على تعبك
مفكرتيش ولو مره
عليها اللحظه دي مره
مبصتيش في نن عنيها من جوه
مقدرتيش حجات عملتهالك حلوه
طب إنتي إزاي كده شيفاها
وسامعه أنينها وبكاها
كما طفله
وحيده في مكان زحمه
ولا تعرفش فيه غيرك فين الرحمه
خلاص قلبك قفل بابه ؟!!
دي هي كل أحبابه
بكل بساطه تتنازلي عن الجنة
يرتاح إزاي فيوم قلبك ويتهنى
هاتيها ليا هخدمها وألف غيري يتمنى
