كفايه تبيعوا حب كلام

 

كتبت / فوقية عاشور 

 

 

 

بتدخلوا ليه قلوب جواها ألم واوجاع

 

وتحفروا ليه بإيدكم حب كله خداع

 

كفايه حرام ، كفايه تبيعوا حب كلام

 

ملوش فى الأصل جواكم غير الأوهام

 

وقلبنا أصله كان طيب ومن وجعه

 

مآمن ليكم !! أتاريكم أمل كداب

 

وكنتم كل بين لحظة وبين لحظة تبانوا أحباب

 

يا حسرة قلبى على طيبتى وعلى خيبتى

 

       إللى راحوا سراب !!

 

                  دا إنتم مش أمل كداب ، 

 

دا إنتم نار ، ونار صعبه ! لا تطفيكم بحار ولا برد

 

دا إنتم حد يستاهل ينام عريان فى نص الليل

 

وأنا واثقه ماهتحسوا بضلام ولا رعد

 

لأن فى أول العلاقات حكينا وقولنا أوجعاعنا 

 

وطبطبتوا وقولتولنا عليكوا صعبنا

 

أتاري أحضانكم كانت خادعة وكانت ضلمة .

 

حرام قلوبنا تتعذب من أمثالكم هنيالكم

 

وياويلكم من افعالكم هتلقوها .

 

لأن إللى جنى مرة مسيرة يبقى مجنى عليه

 

                وأقولكم إيه !! 

 

ما هو إنتم أصلا عالخداع كتير واخدين

 

تدوسوا بعد ما قلوبكم بتتحكم ولا حاسين

 

وصدقونى دى فاتورة ولازم تخلص مع الأيام

 

ولو كنتم بتفتكروا هعود ليكم دا يبقى كلام

 

دا انا حالفه لقابلكم وكلى شموخ

 

ولا هيبان فى يوم مره عليا شروخ

 

كفيل ربى يداوى من الوجع مجاريح

 

وأنا جرحى وأوجاعي مع وشوشكم أخدهم ريح

 

لا يمكن مره هتذكر تفاصيلكم ولا هجيلكم 

 

لأنه خلاص شبع قلبى كتير تجاريح 

 

قفل بابه على احبابه وخلصت جواه التصاريح

 

ما عاد تصريح لأى جبان يبان غلبان

 

ولا جوانا أى حنان لناس مالكة ضمير تلفان……