فيتامين D

 

 قولتله فاضي شويه نشرب قهوه في حته بعيده 

قالي هحاول افضي نفسي أنا دائما مشغول 

قولتله انت اي حكايتك كل الناس بتجي تشتكي 

قالي أنا فيتامين د مهم جدا للجسم لاني بعتبر أحد العناصر الغذائيه التي يحتاجها الجسم لبناء عظام صحيه 

طب ليه الناس زعلانه منك وبتشتكي من نقص فيتامين د (Vitamin D) ؟؟؟؟؟

وكل شويه عندهم اعراض نقص فيتامين د 

تعب وإرهاق ،ضعف في المناعه ، الام ظهر وعظام ، تساقط شعر ،سمنه ،مزاج متقلب ،مشاكل في الجهاز الهضمي،بطء التئام الجروح

طيب قولي يا فيتامين د (Vitamin D) ازاي اخلي نسبتك كويسه في الجسم 

لازم تهتموا بيا مش لازم اطلب الاهتمام يعني 

اهتموا بالاكل الغني بفيتامين د (Vitamin D)

زي السردين ، سمك التونه ،البيض ،الحليب ، الزبده

طيب ممكن اعرف اسباب نقص فيتامين د عندنا ؟؟؟

قالي اول سبب انكم سمعتوا كلام ام كلثوم بالليل وسماه ونجومه وقمره وسبتوا النهار وشموا و دي النتيجه 

زي مثلا عدم التعرض الكافي لاشعه الشمس ، مبحبش واااقي الشمس لانه بياثر علي نقص فيتامين د ، التقدم في السن،السمنه ،سوء التغذيه ( علطول مفيش اهتمام بيا )،

سوء امتصاص فيتامين د في الأمعاء ، الاصابه بمشاكل الكبد والكلي ،نقص فيتامين د في حليب الأم ،عدم تناول الاغذيه الغنيه ب فيتامين د، سن اليأس عند النساء 

عشان كده اهتموا بيا عشان متزعلوش.

 

دكتورة نورا عاطف الحنفي