فيه حاجه غلط

بهاء الجرفاوى..

لما تسمح الجامعات الخاصة والاهليه بقبول طلاب

الثانويه العامه الحاصلين علي 75٪ بدخول كليه الطب  وتقبل الطلاب الحاصلين علي 65٪ بدخول كليه الهندسه وذلك مقابل المصاريف الكبيره يبقي فيه حاجه غلط.                                                            لما يصبح سعر كيلو البصل والطماطم اغلي من التفاح والمانجو ويصبح شراؤها من الأمنيات والأحلام لمعظم الناس في بلد في الأصل بلد زراعيه يبقي فيه حاجه غلط.                                               لما تكون راكب اي  مواصله عامه وتجد كبار السن والسيدات يقفون أمام المقاعد  المخصصه لهم اصلا وتجد الأصغر منهم سنا والشباب من ذوي البنطلونات المقطعة يجلسون بدلا منهم ويلعبون علي تليفوناتهم ولا يعبرونهم اي  اهتمام يبقي فيه حاجه غلط.             لما حالات الطلاق والخلع تصبح أكثر من الزواج.        يبقي فيه حاجه غلط.                                             لما يكون الدخل اليومي للصنايعيه من أصحاب الحرف  اكتر  من الدخل الشهري للمعلم يبقي فيه حاجه غلط.                                                            لما يكون فيه فوارق كبيره في مرتبات الموظفين علشان الموظف دا في البترول او الكهرباء او الخارجيه او البنوك او البريد او الاتصالات والموظف التاني المغلوب علي أمره في التعليم اوالصحه اوالمحليات بالرغم انه ممكن تلاقي المؤهل واحد واحيانا تجد  الموظف صاحب المرتب الأدني كان متفوقا في الدراسه وأكثر ذكاءا وفهما ووعيا من صاحب المرتب الاعلي يبقي فيه حاجه غلط.           لما مرتب الموظف او صاحب معاش لا يكفيه مصاريف يوم او اتنين من غول الاسعار الذي يبتلع كل شئ أمامه ولا حاكم ولا ضابط لجشع التجار. يبقي فيه حاجه غلط.                                                   لما يكون المسؤلين شايفين الغلط وساكتين              يبقي الدنيا كلها غلط في غلط