دا كان الزمان وحلاوة الزمان وياريت الزمان كان فضل زى ما هو وكانت بداية تغيير في الزمان وعلى ما شوفنا وعدى بنا الزمان تمنينا أن الزمان يرجع تانى ولكن رجال وحلاوة الزمان رحلوا لأن زمان السكر كان اقماع
والسكر كان بني مصنوع من قصب السكر
و كان بيوزعوه على التموين
ويجيبوا القمع من دول ويدقوه حتت
وتاخد حصتك فى قرطاس ورق مقوي كبير لونه بني
وتحس منه الفرحة طالة .
ونستعمله فى الشاي بالحته
نحط الحته فى براد الشاى 🫖 و تغلي المياة والسكر والشاي مع بعض و مكانش فيه حاجة اسمها كل واحد ياخد معلقة او معلقتين الشاي كله حلو و مسكر ومنعنع كمان
وكان فى كوبون للكيروسين تدي الراجل بتاع التموين صاغ + كوبون ويديك كيروسين ( جاز ) عشان البوابير لعمل الاكل والشاي 😜
وبنجيب الفول فى طبق او كوز 🍵 مش فى أكياس بلاسيتك او علب بلاستيك
كان الفول له طعم
والعيش له طعم
والشاي اطعم و اللمه حلوة والفرحة احلي .
