كتب / احمد الطيب
في البداية قالت الفنانة آمال رمزي في أحد البرامج سعيد صالح كان بيقول ألفاظ ميصحش تتقال قدام سيدات وهزاره ساعات مش حلو ، غير عادل إمام لما فكر يتجوز اتحوز من اكبر عائلات مصر وعمل 4 فلل ، إنما سعيد صالح كان بيسهر
وردت هند سعيد صالح عبر صفحتها وكتبت
يا مدام آمال
كلام حضرتك عن بابا و بطريقة غير مباشرة عن أمى مابيعكسش غير طريقة تفكير و نمط أخلاقى بيقيس بالممتلكات
مين عنده كام و مين اشترى ايه و مين ابن مين
ما شاء الله ولا قوة الا بالله ربنا يباركله فيما رزق
أنا بحمد ربنا انى بنت راجل محبوب من جمهور أغلبه ماشافوهوش وجها لوجه ولا حتى عاصروه .. و كل اللى بينهم و بينه ضحكة رسمها على وشوشهم فى يوم من الأيام
الجمهور ده ردها لبابا فى ردهم على حضرتك
بشكرهم من من كل قلبى و ان شاء الله يكون ربنا سخرهم للدعاء لبابا
هما ردوا غيبة متوفى قبل ما يردوا غيبة فنان بيحبوه
بس أنا لسة ماردتش
