فضيحة دولية في إسرائيل والمتهم فيها #قطر معروفة إعلامياً بإسم ( قطر جيت )

كنب ؛ناصر الجزار

كشفت بعض الدوائر الإعلامية في إسرائيل وإيه علاقة قطر بالموضوع فـ اقرأ التقرير للآخر..

من يومين الإعلام الإسرائيلي مقلوب بسبب فضيحة دولية متهمه فيها قطر بتمويلات ورشاوي لناس تقيلة في إسرائيل، وفي تحقيق كمان إن زوجة نتنياهو نفسها منتفعه برشاوي قطرية.

قطر دفعت رشاوي لرجال مقربين من نتيناهو وإعلاميين كبار في الصحافة الإسرائيلية علشان يلمعوا إسم قطر في إسرائيل والعالم، ويقولوا إن قطر هي الوسيط الأبرز في المفاوضات لوقف إطلاق النـ ـار في غزة، وركز بقى في اللي جاي ( وتقليل دور مصر كوسيط رئيسي )

المتهمين الرئيسين في القضية هم، إيلي فيلدشتاين المتحدث السابق باسم نتنياهو للشؤون الأمنية ويوناتان أوريخ المستشار الإعلامي لنتنياهو، تم اعتقالهم حالياً وبيتم التحقيق معاهم، بالإضافة إلى تسفيكا كلاين رئيس تحرير صحيفة جيروزاليم بوست تم خضوعه للتحقيق هو كمان.

الدور اللي لعبوه التلاته دول هو تمرير معلومات للإعلام إن قطر كانت هي اللي بتقود المفاوضات بين حمـ ـاس وإسرائيل وإن ليها الدور الأكبر وإن دور مصر كان هامشي وبدون تأثير يُذكر في المفاوضات.

في معلومات بتقول إن رئيس الشاباك السابق “رونين بار” أول ما اكتشف الموضوع وبدء يحقق فيه نتنياهو أقاله بحجة التقصير وقت بداية الحرب يوم 7 أكتوبر، وهنا في اتهامات مباشرة لنتنياهو بأنه متواطئ في الموضوع هو كمان، وبناء على دا تم استجواب نتنياهو لمدة ساعتين كاملين عن الموضوع.

قطر دفعت الفلوس لـرجل أعمال أمريكي إسمه جاي فولتيك عنده شركة اسمها “third circle” ودا بعت الفلوس لرجل أعمال إسرائيلي اسمه جيل بيرجر ( عايش في الخليج ) وجيل بيرجر هو اللي سلم الفلوس للمساعدين بتوع نتيناهو.

وتم استدعاء سارة زوجة نتنياهو بعد عودتها من ميامي الامريكية للتحقيق معها في مصدر الأموال اللي غطت فترة إقامتها الطويلة في الفندق الذي تمتلكه قطر مع شبهة إن قطر هي اللي مولت هذه الإقامة.

قطر دفعت أموال طائلة لسياسيين وإعلاميين إسرائيليين علشان يظهروا قوة قطر وبتسعى لإنها تكون الدولة الأكبر والأبرز في المنطقة ودا طبعاً على حساب مصر، قطر بتستثمر ملايين في أدوات إعلامية لمناهضة مصر سواء من الإعلام المباشر زي الجزيرة والغير مباشر زي الإعلام الإسرائيلي.

وناخد بالنا إن دا اللي اتعرف لحد دلوقتي، مش بعيد نلاقي قطر ورا كل الحملات الإعلامية الممنهجة ضد مصر ( لتقليص دورها في المنطقة ) وإظهار مصر دولة ضعيفة سياسياً واقتصادياً.

على الرغم من إن العلاقات المصرية القطرية بتتحسن، إلى إن النظام القطري مش قادر يستوعب قوة مصر وثقلها السياسي والعسكري في المنطقة وبتحاول بكل الطرق ضرب مصر بكل السبل الممكنة عندهم.

قطر هي الشيطان الأكبر في الدول العربية وبتلعب لعبة قذرة معانا ولكن ربنا دايماً معانا وبيفضحهم، واللي معاه ربنا ميتخافش عليه.

الأيام الجاية هنتابع معاكم التحقيقات اللي بتتم في القضية دي خصوصاً إن ليها علاقة مباشر بينا والله أعلم التحقيقات هتظهر لينا إيه تاني.
وقطر ومرتزقه الإعلام فيها عمرهم ما هايجيبو سيره لكن الإعلام الصهيوني فضحهم زي ما فضح مشاركتهم في تدريبات جويه مشتركه في اليونان…
بيفكرني بخيانه والي عكا في عهد صلاح الدين الأيوبي