مقال بعنوان.. اسوار الخوف

بقلم : مروه الالفى

اسوار الخوف”
ساعات كتير بنكون قافلين على قلبنا بمليون قفل

مش عايزين حد يقرب مننا و لا يدخل حياتنا

جايز خايفين نتوجع
جايز علشان عارفين نفسنا و قد ايه ان لما حد بيدخل حياتنا بنتعلق بيه
جايز من عقدة من تجربة سابقة
جايز من تجارب ناس حوالينا
جايز و جايز ..

بس النهاية واحدة
هي الخوف .. الخوف ان حد يدخل حياتنا
الخوف ان حد يكسر الاقفال دي

و بتمر ناس كتير في حياتنا
بس دايماً كنا بنحاول نبعدهم
مش علشان هم وحشين بالعكس
بس خوفاً ان حد منهم يقدر يكسر الاقفال دي

و تفضل الاقفال دي
و تعدي الايام و السنين
و تيجي ناس و تبعد ناس
و الاقفال زي ما هي

و جايز في ناس كتير حاولوا بس محدش قدر يكسر الاقفال دي

لحد ما يجي شخص معين
يحاول يدخل حياتنا زي الباقين
و كالعادة نصده و نبعده و نمنعه انه يدخل حياتنا او انه يكسر الاقفال دي

بس الشخص ده مش بييأس بيفضل يحاول و يحاول
يحاول بكل الطرق انه يكسر الاقفال دي
بيحاول .. على الرغم من رفض الواحد
لكنه بيصمم انه يفتح الاقفال دي
و مع اصراره القوي انه يكسر الاقفال دي .. بيزيد عناد الواحد و رفضه ان حد يقدر يكسر الاقفال دي

و بتفضل المعركة دي كتير ..
لحد ما في النهاية بنستسلم لكل المحاولات دي ..
و بيقدر هو يكسر كل الحواجز و الاقفال و يدخل حياتنا ..

بيفتح اقفال كان بقالها سنين محدش قدر يفتحها ..
بس مش علشان هو احسن واحد من بين كل الي عدوا .. خالص ..
بس هو الوحيد الي قدر ..
شطارة منه او ضعف مننا ..
المهم انه قدر ..

جايز يكون هو الوحيد ..الوحيد الي كان عنده الطاقة و المعافرة و المناهدة ..
جايز يكون هو الوحيد الي ميأسش ..
جايز يكون الوحيد المختلف ..
جايز حاجات كتير ..
بس النتجة واحدة .. و الاكيد انه عرف يعمل الي كتير غيره حاولوا و معرفوش ..

و من هنا بتبدأ لحظة الاستسلام للشخص الي قدر يدخل حياتنا بنجاح ..

بس السؤال هنا ..!؟
هل هيكون الشخص ده الاختيار الصح .. الي هيعوضنا عن كل حاجة وحشة شفناها في حياتنا ..
و لا هيكون ندم عمرنا اننا دخلنا حياتنا شخص ميستهلش .. و هيخذلنا..