يا بيت ابويه

 

كتبت/ زوزو صلاح 

 

 

 

والله كتر خيرك..

 غلاوتك ف قلبي

 ياريت ايامك دامت

 لو الزمان يرجع بي 

 عمري مفارقك تاني

 

 يابيت ابويا ..

يابيت العز والهنا 

ياما شوفت فيك حنيه.

 اقول ايه ولا ايه ..

على دلع ابويا ليه..

يا بيت ابويا .

بحن لكل شيء فيك ..

بحن للمة العيله 

ودفا الاهل والعزوة 

 لكل شيء حتى لو 

كان بسيط اشتقت

لخوفي من ابويا 

 لوعملت حاجه غلط 

 اشتقت لامي الغاليه

ولمة مع اخواتي

 وليل الشتاء الطويل 

 وابويا وامي لسه معانا

حاسين بدفا معاهم

 ويحكولنا عن زمان 

واللي شافوه ف حياتهم 

يابيت ابويا بحن

 لكل شيء فيك

 بحن ارجع واقف 

  على بابك مشتاقه 

ايدي مش تخبط

 لا تطبطب على بابك

 مشتاقه عيوني تشوف 

 حتى للون حطانك 

مشتاقه اشم رحتك.

 نفسي ارجعلك ف يوم

 واخبط وابويا يفتحلي 

ادخل والاقي كل حبايب 

الدار بس ازاي واصلا 

راحو حبايب الدار ..

يابيت ابويا مبقاش 

 منك غير ذكري جويا

 وحلم بعيش فيه ومعاه 

كل ماحن ليك وإليك 

 يابيت ابويا..

 عمري ف يوم منساك