البطل أحمد الجندي ، لاعب الخماسي الحديث وبطل مصر وبطلنا الدولى في اوليمبياد باريس .

البطل أحمد الجندي ، لاعب الخماسي الحديث
بطلنا فى اوليمبياد باريس

كتبت / أمنة عبد الحليم
الخماسي الحديث يضم ٥ ألعاب في بعض هما :
مبارزة ، فروسية ، سباحة ، رماية ، جرى .
و صعوبة هذه اللعبة إن اللاعب بيلعب ٥ ألعاب و يجمع سكور نهائي فيهم .
أحمد كان عنده مشكلة صحيه و هو طفل صغير ، كان عنده حساسية و مكنش بيقدر ينظم نفسه و وقتها الدكاترة نصحوه بممارسة السباحة عشان يحسن نفسه ، مدرب السباحة شاف احمد عنده حركات مميزة في الماء و فعلا عالج مشكلة نفسه الي حد كبير و بدأ يتعلم معاها باقي الالعاب و هو عنده ٦ سنين فقط .
أحمد هو ملك فى هذه اللعبة من شدة حبه لها ، مثله مثل ميسي في الكورة ، لان أحمد كسب ذهبية اوليمبياد الشباب ، وكسب ذهبية بطولة العالم للشباب ،
و كسب ذهبية بطولة العالم للناشئين .
مفيش غير أحمد الجندي اللي قدر يكسب ذهبية فى الثلاث بطولات في تاريخ اللعبة كلها .
هذا غير إنه كسب افضل لاعب ناشئ في العالم مرتين علي التوالى.
أحمد كمان شخص ملهم جدا ، لأنه في نفس الوقت متعلم و خريج هندسة الاكاديمية البحرية ، احمد بدير اجتهد و كسب الميدالية الفضية في اوليمبياد طوكيو الماضية و كان اول مصري يجيب ميدالية اوليمبية في الخماسي الحديث.
لكن عشان هو الاكثر اجتهادا إستطاع ان يشرف مصر كلها و كسب الميدالية الذهبية في اوليمبياد باريس و هذه اول ميدالية ذهبية لمصر .
علشان حطم الرقم القياسي للعبة في تاريخ الأولمبياد و سجل ١٥٥٥ نقطة و اصبح الرقم القياسي مسجل بإسمه هو و بس .
فخر مصر بجد ، فرحتنا يا أحمد بجد و خلتنا فخورين بعزف النشيد الوطني لمصر لأول مرة في اوليمبياد باريس .