الكاتب / محمد حلمي الامام
و زي ما ربنا نصفني في التعويم
و طلعت كريستالينا چورجيفا تقول خلاااااص تنزل المرة دي و مفيش تعويم
يشاء السميع العليم انه يثبت كلامى
لما قلت ان اثيوبيا افلست و مخبية
و انها متعثرة في سداد اقساط صندوق النقد الدولي
و ان كل اللي استثمر في سد النهضة هياخد بالباقي لبان
الكلام ده كان في 26 يونيو 2022
وزارة المالية الاثيوبية اعلنت بتاريخ 9 ديسمبر 2023
انها اسفة معلش بسبب ” الضغوط الحادة للسيولة الخارجية “
لن نقوم بالسداد لفوائد السندات الدولية و المقدرة ب 33 مليون دولار .. علي اصل سندات مليار دولار وذلك في تاريخ استحقاق 11 ديسمبر 2023 ” يعني يوم 11 المفروض يسددوا لحملة السندات دي مليار و 33 مليون دولار .. و هما خزينتهم مفلسسسة اصلا
و قد حاولنا التواصل مع حملة السندات و لكنهم رفضوا التفاوض
خد بقا المعلومة اللطيفة
السندات دي بضمان اييييه
بيع الكهربا اللي هتطلع من سد النهضة
مين الدول حملة السندات
الامارات – الصين – اسرائيل – المغرب – فرنسا
كولايتهم رفضوا
ايه الاجراءات المتبعة بقا
هيحطوا ايديهم علي اصول
زي ما في 2020 الصين اخدت مبني الاتحاد الافريقي في اديس ابابا .. وخط سكة الحديد الحديد
يعني لا طلعت كهربا
و لا خزنت ميه
و لا رجعت فلوس للناس
و طلعت نصباية القرن زي ما قالتلكو
و انهم مش هيسددوا حاجة لحد
بعد اقساط الصندوق اللي تخلفوا عنها .. يعلنوا عدم القدرة عن سداد سندات دولية
ليه كده يا بسيوني
ده احنا عندنا خبير محسسنا اننا هنفتح الحنفيات تنزل عصير قصب عشان انت قفلت الميه
