كانت من عيلة غنية اوي في اسوان وربت ١٢ يتيم

كتب الاعلامي / أحمد الطيب

 

رجوات منصور ( الجمال الحقيقي ) ربت ١٢ يتيم

 

كلنا فاكرين فيلم ليلة الدخلة بطولة حسن فايق وإسماعيل ياسين والبنتين الو حشين اللي اتجوزوهم توتو وسوسو الي لما شافهم اسماعيل يس وحسن فايق نطوا من الشباك من كتر و حشتهم بعد ما كانوا فاكرينهم البنتين الحلوين الي بيحبوهم سميحه توفيق وماجده  

 الموضوع ده لواحدة منهم اسمها رجوات منصور

مين هي بقي رجوات منصور 

دي بقي كانت من عيلة غنية اوي في اسوان أخواتها كلهم اتجوزا الا هي عشان شكلها سابت اسوان ونزلت القاهرة اشتغلت كل حاجه شغاله في البيوت واشتغلت في محلات لحد ما بالصدفة أتعرض عليها دور فيلم ليلة الدخلة عشان كان مطلوب بنتين مش حلوين خالص المهم الفيلم نجح نجاح مبهر وهي حققت بعده شوية بطولات وادوار لحد ما سكنت في عماره كان جارها شيخ عايش هو وأخواته التمانية وأمه العجوزة وكانت بتحب تساعد امه في تربية ولادها والشيخ ده كان متجوز ارمله عندها اربع اولاد كان بيساعدها ف تربيتهم وأمه حبتها لطيبيتها وحنيتها عليها وعرضت عليه أنه يتجوز رجوات ووافق وهي وافقت زى اي بنت نفسها تتجوز المهم فترة ومرات الشيخ ماتت وسابت له اربع ايتام ورجوات أصرت تربيهم مع اخوات الشيخ التمانية وبعدها بفترة ماتت ام الشيخ وبعدها مات الشيخ وقررت رجوات تربي ال 12يتيم وتحملت مسؤليتهم كامله وكرست حياتها مجهودها وصحتها ليهم ورجعت تشتغل في البيوت والمحلات ومو.. تت نفسها في الشغل بمعني الكلمه عشانهم وربتهم احسن تربيه وطلعتهم دكاترة ومهندسين وكلهم بقوا في وظائف حلوة اوي ومراكز مرموقة اوي

وقرر كل واحد من ال 12 ياخدها تعيش عنده شهر ويبقي مسئول عنها تماما اكلها وشربها وخدمتها كنوع من رد الجميل 

 لحد ما واحد منهم وكان دكتور قرر يحججها وكانت أمنيتها أنها تحج وتزور بيت ربنا وفعلا طلعها تحج وهما هناك تاهت منه ف الحرم وفضل يدور عليها لقاها ساجدة في الحرم النبوي متو.فيه في سجدتها 

 واند..فنت هناك

أنا ليه بقول الكلام ده وتعمدت احكيه وانزله 

لان الست دى كتير ما بتاخد صورها كوميكس الهزار والتريقة عشان شكلها وهي عند ربنا اجمل من ناس كتير مننا عند ربنا لان الله عز وجل ينظر الي قلوبنا ولا الي أشكالنا 

ادعولها بالرحمه فهي تستحق ذلك