صدق او لا تصدق

كتب الاعلامي: أحمد الطيب

 

 

اخر التطورات :

 

واضح جدا ان مفيش هدنة

 

و الواضح اكتر ان الامور تذهب الي التخبط عالميا

 

 

في الوقت اللي بايدن بيقرر فيه منع ارسال القنابل و القذائف لاسرائيل .. بريطانيا مستمرة في الدعم التسليحي لاسرائيل

 

لكن مبررهم منطقي و مقبول

 

بريطانيا بتورد اقل من 1% من انظمة الدفاعات لاسرائيل بينما مصنع السلاح الاسرائيلي موجود في امريكا

 

 

لكن ايه اللي يخلي بايدن يطلع بتصريح زي ده

 

يخلي حكومة الحرب تجتمع في تل ابيب عشان تجهز رد عليه

 

هل هي انسانية مفاجأة مثلا

 

 

العلوم السياسية هنا بتوجهنا لربط الاحداث ببعض غربيا

 

 

لا هو انتفاضة طلاب و لا اعتصامات و لا الكلام الحلمنتيشي ده

 

نعمت شفيق دخلت الشرطة دغدغت الطلاب .. ومازالت في مكانها .. ده معناه ان الادارة الامريكية راضية عنها

 

 

طب ايه اللي حصل

 

اللي حصل هو قدوم حزب العمال القوي في بريطانيا

 

 

و ركز معايا و انا هقولك القصة من الاول

 

حزب المحافظين يتقهقر تماما في الانتخابات المحلية و لحد دلوقت خسر حوالي 510 مقعد من اصل 990 مقعد تقريبا

 

و مازالت الانتخابات مخلصتش

 

و دي اسوأ نتيجة يحققها حزب المحافظين علي مدار 40 سنة ماضية

 

و بقاله علي راس الحكم 14 سنة

 

 

الفوز الكبير ده

 

خلي رئيس حزب العمال يدعو لاجراء انتخابات تشريعية

 

و اللي هيطير فيها سوناك

 

نظرا لاخفاقاته في كل الملفات تقريبا

 

حزب العمال هو الحزب الجمهوري بتاع بريطانيا

 

يعني بالقياس السياسي

 

يبقا الحزب الديموقراطي في امريكا في خطر

 

مع تصاااااعد شعبية ترامب

 

و موقفه من اوكرانيا

 

و تضامنه مع المطالب الشعبية بوقف المساعدات عنها

 

زاد الخطر علي استمرارية الديموقراطيين في الحكم

 

و ضياع الخطة اللي هتأتي ب اوباما من جديد

 

 

ايه الاسباب اللي رجحت كفة العمال عن المحافظين في بريطانيا

 

امتناع المسلمين عن التصويت نظرا لما يحدث في غزة

 

و المسلمين هناك اصواتهم كلها للمحافظين من زمان .. ومعرفش السبب بس هي مازوخية تقريبا

 

ملف اللاجئين و الهجرة اللي المواطن البريطاني ضج منه خلاص

 

محاولة توريط الناتو في حرب مع روسيا .. اثارها الاقتصادية هتكون مدمرة اكتر من الحالي

 

 

الاسباب دي هي هي في امريكا

 

يعني :

 

▪تحويل الدعم المالي من الديموقراطي للجمهوري في تبرعات الحملات الانتخابية

 

▪موقف المواطن الامريكي من المهاجرين المكسيك الرافض لوجودهم

 

ف راح بايدن بيفتح باب الهجرة لمليون فلسطيني

 

▪رفض المواطن الامريكي لاستمرار تمويل اوكرانيا و اسرائيل بسبب سوء الاوضاع الاقتصادية

 

▪انهيار موازنة التسليح و عجز الانفاق

 

 

بالاضافة لكارثة لم تحدث من قبل لامريكا و لا حتي في ازمة 2008

 

اول امبارح اصدرت امريكا سندات تمويلية حكومية بقيمة 42 مليار دولار لأجل 10 سنوات

 

متباعش منها 10 دولار حتي

 

 

ده بسبب ان اللي قبل كده متسددش 

 

ف السندات الامريكية اصبحت غير جيدة

 

و ده ادي لعزوف المستثمرين عنها

 

 

ف هنا بقا اصبحت الخزانة الامريكية عاجزة عن تمويل نفسها 

 

و دي مشكلة جديدة لااااانج عليهم

 

 

و مش هتكون مشكلة خافية عن المواطن الامريكي اللي بالتالي هتروح اصواته للي بيعرض نفسه گ منقذ

 

 

يبقا هنا بايدن بيقدم حل مؤقت للخروج من مأزقين :

 

الاول الغضب الداخلي و العالمي من مشاركة امريكا في الابادة الجماعية

 

التاني تورط امريكا في تسليح حروب لا تخصها ..

دخلتها في نفق مظلم اقتصاديا

 

و لابد من حجة تقدم للمجتمع و تكون مقبولة

 

و بعد امتصاص الغضب

 

و محاولات اسرائيل بإنها تعاود كسب تعاطف المواطن الامريكي .. هترجع ريما لعادتها القديمة لكن الانتخابات في خطر

 

 

نربط ده في محاولات ويليام بيرنز رئيس الاستخبارات الامريكية الضغط علي نتنياهو بوقف التوغل في رفح … و انه ساب القاهرة امبارح و سافر اسرائيل و رجع الصبح لاستئناف المفاوضات

 

اللي مش باين لها ملامح لحد دلوقت

 

 

هل سيعجز بايدن عن ايقاف نتنياهو ااااه

 

نتنياهو هيستكمل المذبحة المعد لها

 

ما هو انت يا بايدن هتاخد مليون عندك

 

كده هيتبقالي مليون هنا

 

لاااااا كتير عليا

 

انا عايز غزة متشفية

 

القذيفة اللي كانت بتقتل 10 في شمال غزة.. هتقتل 1000 في رفح

 

لان رفح مساحة تستوعب 260 الف نسمة .. قاعد فيها مليون و ربع نسمة دلوقت

 

 

و بعد القيام بعدد من المجازر

 

هنتوجه بقا للمفاوضات بالشروط اللي هتمليها اسرائيل و تقبل بيها حماس

 

 

و بايدن عارف ده

 

ان الضربة في رفح ضربة مرزبة مش شاكوش

 

نفس المخطط بيتم 

 

تدمير المستشفيات و خروجها من الخدمة .. عشان اللي يتصاب يموت

 

 

امبارح تم اكتشاف مقبرة جماعية تحت مستشفي الشفاء فيها اجساد بلا رؤوس حوالي 300 جسد ما بين نساء و شباب

 

كلهم مدنيين مفيهمش حمساوي واحد

 

و ده خبر تداوله علي الميديا الامريكي وضع البيت الابيض في مأزق كبير جدااا

 

 

هل نتنياهو حاطط في مخططه يشتبك مع مصر

 

من كل المعطيات اللي قدامي

 

نتنياهو عايز يوصل الجميع لمرحلة قبول شروطه في احتلال غزة و تهجير اهلها لاي مكان بقا

 

هو لازم بعد الاخفاق السياسي و الاقتصادي يعود للمجتمع العبري بأي انتصار

 

و انه موقف دباباته عند المعبر

 

دي رسالة اني أهوووو مش بدفعهم لسينا .. انا بخلص عليهم خالص

 

انا بقلص التعداد الفلسطيني

 

 

 

 

يعني امبارح تم قصف 47 منزل في صحراء النقب علي دماغ اللي فيهم ..

بحجة انهم اتبنوا بلا تراخيص

 

طب تهدهم و لا تقصفهم

 

لااااا اقصفهم

 

 

معتقدش ابدا ان حكومة المتطرفين بتاعته هتتحمل تبعات صراع مع مصر

 

في ظل رفض شعبي ومعارضة قوية و استقالات جماعية و نقص تسليح و انهيار اقتصادي

 

شوفوا هو الغباء مرض

 

و غباءه خلاه سحب أول السلك اللي نهايته فيشة النظام العالم الحالي

 

العرض الامريكي سخي للفلسطينيين ..

و ده شعب اتعود يسيب ارضه و يخلع لجوء..

و ان ما راح نترك اراضينا و نحنا صامدين دي شعارات ملهاش وجود علي ارض الواقع

 

و الا متتقلصش مساحة فلسطين ل 17.8% من الارض و الباقي يبقا الكيان

 

ف خطة نتنياهو ماشية بنجاح

 

و المفاوض المصري بيجتهد لحقن الدماء مع الحفاظ علي أراضينا 

 

و نتمني له الصبر و مزيد من الحكمة