مصر والحقيقة أنها مصر

(لكل واحد مصري دي ثوابت لازم تكون عارفها كويس))..🤚
مفيش حاجة اسمها اللغة الهيروغليفية.. الهيروغليفي خط مش لغة..لغتنا تسمي اللغه المصرية القديمة و ليها 4
خطوط هيروغليفي هيراطيقي ديموطيقي واخيرا قبطي.
مفيش حاجة اسمها عروسة النيل زي ما كان للأسف بيتعرض في الأفلام ..دي كدبة ألفها المؤرخون و زودوا عليها و كبروها ومصر القديمة كانت بتحترم المرأة وتقدس دورها في الحياة كما إن مصر كانت دولة عظيمة و مفيهاش قرابين بشرية والدليل على ذلك استخدامهم تماثيل الاوشابتي لتؤدي دور خدمة المتوفي.
زواج الأخوة في مصر كان بيتم للحفاظ علي السلالة الملكية و كان في حالات معينة بس يعني مش كل الملوك تزوجت من اخواتها وماكنش موجود في عامة الشعب.
مصر فيها أكتر من١٠٠ هرم..ولكن أعظمهم وأشهرهم أهرمات الجيزة، وقبلهم هرم الملك زوسر أول مبنى حجري في التاريخ يبين مدى تقدم أجدادنا في العمارة.
الملك تحتمس التالت دخل ١٧ حملة عسكرية و كسبهم وبني امبراطورية عظمي وصلت من النوبة الي الفرات..
الملك رمسيس التاني بني إمبراطورية مصر التانية من شمال سوريا للشلال الرابع و كان ملك عظيم و هذا الملك ليس فرعون موسى ولا تربطه أي علاقة به.
توت عنخ آمون هو ابن أخناتون من سيدة مجهولة معروفه بالسيدة الصغري و مش من نفرتيتي كما يظن البعض أخناتون أنجب من نفرتيتي البنات فقط.
الملك رمسيس التاني مات و هو ٩٣ عام و كان عنده خشونه في الركبة و المفاصل ولم يمت غرقا كما يدعي البعض
نفرتيتي ملهاش مقبرة و لا مومياء ولحد دلوقتي العلماء بتدور عليها هي و ايمحوتب المهندس باني هرم زوسر.
اسمهم مصريين قدماء مش فراعنة..لإن مصر و ملوكها العظماء لن يرتبطوا ابدا بملك ذُكر بالطغيان و الظلم
من الظلم أن ننعت كل هذه الحضارة العظيمة باسم هذا الحاكم الظالم ..
المصريين تعرضوا لأول غزو حقيقي علي يد الهكسوس واتصدموا بالعجلات الحربية و الأحصنة و مسكتوش لا بدوأ يعملوا عجلات حربية أحدث و أفضل بكتير و هزموا الهكسوس و طردوهم خارج البلاد
مصر حكمها سيدات كتير و أطولهم حكما كانت حتشبسوت لمده ٢٠ عام في الحكم وتعد أقوى امرأة حكمت في التاريخ
مصر كانت بلد تعرف الأخلاق تفصل بين الرجال والسيدات و أكثر بلد حافظت علي حقوق المرأة بشهادة العالم اجمع
-اللي بنوا الهرم المصريين القدماء أجدادنا و الأدلة كتيرة برديات و نقوش و مقابر للعمال للمصريين اللي اشتغلوا في بناء الهرم بجانب الهرم و طريقة نقل أحجاره محفوظة في برديات تدعي برديات وادي الجرف. ومن عظمة البناء خلوا العالم كله يعتقد أنه اللي بناها هم الفضائيين من دقة صنعهم وإتقانهم
مصر أرض طيبة مباركة نالت شرف مجئ الأنبياء إليها
مثل سيدنا إبراهيم وزوجه السيدة سارة وهداه ملك مصر السيدة هاجر المصرية أم سيدنا اسماعيل وكذلك سيدنا يوسف الذي ملك خزائن مصر وأبوه يعقوب الذي جاء ليعيش مع ابنه و موسى((كليم الله))الذي تربى وكبر في قصر الفرعون وكلمه ربه بالوادى المقدس طوى في طور سيناء وكذلك شرفت بقدوم السيدة مريم العذراء وابنها المسيح عليهما السلام.
وقال عنها رسولنا الكريم صلى الله عليه وسلم أهلها في رباط إلى يوم الدين
بالإضافة إلى السيدة مارية القبطية أم ابراهيم زوجة الرسول صلى الله عليه وسلم كانت مصرية
التحنيط لم يكن مقتصرا فقط على الملوك والأمراء بل كان مسموح به لكل عامة الناس الذين لهم الحق في أن يحيوا في الحياة الأخرى ولكن على حسب مقدرة كل شخص
وأخيرا المصريين القدماء هم أجدادنا و جيناتنا الأصلية ونحن أحفادهم
#افتخر_كونك_مصري.ناصر الجزار