رانيا فتيح تنقل واقع المطحونين للمسؤلين

نقلتها لكم ..د.رانيا فتيح 

الصور دي من موقف المنزلة المنصورة
دى واحدة ست واقفه بنصبة شاي وقهوة ادام الموقف بتاكل لقمتها من عرق جبينها
رحت اشترى منها مناديل
لقيتها زعلانه بسالها مالك؟
راحت مطلعة دوسية ورق
واعدت تحكي لي قصتها
وانتوا عرفني اموت 😍 في المشاكل واصحابها
واجي انقل لكم الحدث صورة وكتابه
المهم
تروي هذه السيدة قصتها بانها خرجت بحثا عن لقمةالعيش
فاذ بكل من هم اعداء العمل!!!
كل يوم يعملوا لها قضية اشغال طريق
ولما تحاول تتفاهم معاهم
يطلبوا دخان «رشوة مستترة»
وياخدوا من عندها حجات من النصبة بدون دفع فلوس
وهكذا كل عابر سبيل
يدخل عليها مره ع انه اشغالات ومره ع انه مجلس….. الخ
المهم من كام يوم اخدوها المركز وعملوا لهامحضر تسول
😂هههههههه
تخيلوا محضر تسول لواحدة بتجرى ع اكل عيشها
وسايبين المتسولين يتسولوا بتصريح وتحت رقابة ورعاية مشددة

وسيبني عماله اكتب بوستات في حقوق المتسولين وانادي الحكومة تنزل تمنع التسول
واطالب بحقوق الطفل
وكفالة الارامل والمطلقات والعجزة
لا ومش كده و بس
دا اي متسول اقابله اتكلم معها واقول لهم انتوا بتشحتوا ليه
تعالوا اعلمكم صنعه واشغلكم
😂
لا وكنت بستغرب بصة الشحاتين ليا وانا بقنعهم بان الشغل هو الحل
وان التسول شئ مقزز
المتسولين كانوا بيضحكوا عليا وكانوا
فاكرين اني ست خارجة جديد من «مستشفي المجانين»
😂
وكانوا بيدوني ظهرهم
ويمشوا يدعوا لي ربنا يعجل شفائي
……
•
نقطه ومن اول السطر
تصدقوا انا طلعت غلبانه بشكل وع نياتي
طلع الناس اللي بتشتغل وتشقي وتاكل من حلال هما المتسولين
….
والمتسولين هم الناس الشقاينه التعبانه المتمرمطه
…..
وكل ده وانا نايمه في العسل
تقريبا انا كنت مع اهل الكهف ولسه خرجه
……..
ذنبها ايه البنت دي تتسجن ويتعمل لها قضية تسول وهي
مش متسولة

يا سيادة الرئيس عبد الفتاح السيسي
انت بتبني وغيرك بيهد
انت بتعمر
واللي اعدين ع المكاتب فتحين ادراجهم للرشوة
«اقصد الدخان»
احسن يزعلوا مني حبايبنا المدخنين اقصد المرتشين

•••••••
التاريخ بيقول ان فساد الدول تأتي من فساد موظفيها وسقوط الامبراطوريات ياتي من خيانة ابناء الوطن للوطن
ومش اي موظفين اللي بيهدموا ويخربوا
دول
(صغار الموظفين)
ودا لانهم بيبقوا مستخبين وبعاد عن الاضواء

#الخلاصة:
يا اولو الامر حتي لو كنت الفراش اللي واقف ع باب المصلحة الحكومية
انت مسؤل امام الله عن عملك وان قل
يسروا ولا تعسروا
سهلوا الدنيا ع الناس
حرام عليكم
خلي الناس تشتغل وتبطل بلطجه
ولا انتوا عوزين الدنيا
تبقي«مواطن ومخبر وحرامي»

بقلمي