هات اللي عندك يازمن

خواطر الشاعرة / زيزي صلاح

هات اللي عندك يا زمن ..

ومش هقول كفايه ما هو انت ديما يازمن بتزود في جراحي لاعمري يوم هشتكي ولايوم هقول

كافي ولحد أمته يازمن هفضل في اهاتي نفسي يوم يازمن تيجي وتقولي كفاكي

حزن وشقي على الفرح قومي وطولي ..

خدي من الدنيا بقى الفرحه ياعمري…

تعبتي يابنتي من الدنيا والايام حزن وقسوة الايام كفايه حزن وبكي على

اللي كان وكان كفايه يابنتي كبرتي وعجزتي قبل الأوان.

باوان هقولك ايه ولا ايه كفايه وقومي حاولي تسرقي من الزمن الفرحه والضحكه

يمكن يابنتي تلحقي تعيشي يومين من غير حزن وبكي من غير دموع

واهات صعبان عليا اشوفك

في الهم طول عمرك .

ديما خايفه من الزمن

ومن المجهول حزينه على

اللي حصل و بيحصل

ومحدش في الزمان ده

يابنتي بقى بيرحم زمن

غريب كرهت اكون في زمن الكذب والخداع كرهت نفسي فيه ..

ليه يازمن كل القساوه

فيك ليه ديما مظلومة فيك لمين اروح واشكي وانا

وحيده فيك نفسي ف يوم

يازمن تجيلي بالفرحه جايبلي معاك الهنا والحب والفرحه شغيلي بيهم توب الهنا

والطرحه وتقولي البسي توبك يابنتي وافرحي شغلتهولك انا عيشي واتهني ..

كفايه حزن

بقى انسى اللي كان مني

حاولي يابنتي تفرحي حرام عليكي كده شوفي بقى نفسك وان كان عليه انا .

هحاولأبعد كل حزن او اي شيء

يعكر عليكي صفوة الايام

وخدي من الدنيا احلا مافيها خدي منها الفرحه والضحكه خدي كل اللي يسعدك وبعدي

عن أي شيء حتى لو بسيط

يعكر عليكي فرحتك يابنتي خديها مني نصيحه لو سبتي نفسك للزمن

هتبقى فريسه للناس قبل الزمن اتمنا ليكي
كل الحب والسعاده والفرحه والضحكه اللي لا تعرف لكي طريق 

اتمنى تزورك في يوم وتعرف طريق بابك وتيجي

لحد عندك ودق علي بابك

يمكن سعتها تفرحي والفرح يرقص على اعتابك .