مين قال مفيش” فايده”؟!
مين قال مافيش “فايده” ؟!
الصراحة والصدق والحب والود
والرحمةوالطيبة وكل حاجه حلوة اتربينا عليها بقت موضه قديمه
لدرجة ساعات الواحد بيبقي مش عاوز يخرج من بيته ويفكر جديا بالاعتكاف داخل جدرانه..
ما هو ما ينفعش ابقي عشت عقود زمنيه متربية على حاجه
والاقي الحاجات دي اندثرت وبقت موضه قديمه،شويه شويه يجسدوها ويحطوها
في متحف علشان نرجع نتفرج عليها بفلوسنا اه بفلوسنا والله.. او نتصور مع الصداقة ونجتر الحب الغائب
او نعمل حوار تليفزيون للمبدع صاحب التلات مواقف صادقه في حياته او حتى نشوف البنت اللي عمرها ما عاقت امها او نتعلم من الشاب اللي بيحترم الكبير وبيعطف على الصغير ،حقيقي لسه في ناس طيبة كويسه
ولكن نحتاج ندور عليهم عشان نتعامل معاهم ،زمان كانت الطيبة والجدعنة طبع ايامنا هذه اصبحت ندرة نتندر عليها! ،استحلفكم بكل ما هو ثمين
استحلفكم بخالق السماء دون عمد تنازلوا شوية وعيدوا لينا قيمة الاخلاق
بلاش الفاظ نابية
بلاش تنمر
ناشدوا الحياء اللي جواكم يظهر
تناقشوا بحكمة تريثوا فى قراراتكم..
رجعوا كل حاجه لاصلها
اعتبروا السنين اللي عدت هزة ارضيه اجتاحت حياتنا هزتنا لخبطتنا كعبلتنا
..تعالو نفوق ونقف من تاني ونشد ايد بعض بحبل الاخوة ،حبل الاسرة السعيدة
حبل الايثار
حبل الابتسام كى نؤجر عليها لانها صدقة،ادونا جرعة موده وحبة اخوة ومروة وصداقةعلشان نوصل لصلة الارحام والجيرة الحسنةواعلموا انه لا مستحيل، ارجوكم الغوا جملة«ما فيش فايدة» من حياتنا وليكن شعارنا جميعا “لا مستحيل بعد اليوم ”
د.رانيافتيح
