(الفتاة و حلاوه المولد)
المؤلفه/ فريده محمد صلاح عبدالدايم
فى ذات مره كان هناك رجل يدعى الحاج ابراهيم و كان عنده بنت اسمها كنزى و مامتها اسمها جيهان و مولد النبى قرب والحاج ابراهيم كان شغال حارس عماره و ساكن فى شقه صغيره هو و بنته و مراته و سكان العماره كلهم جابوا حلاوه المولد و الحاج ابراهيم عشان ظروفه المديه صعبه مقدرش يجيب حلاوه المولد و فى مره كنزى كانت بتلعب مع اطفال سكان العماره وكلهم كانوا بياكلوا حلاوه المولد إلا كنزى و كنزى كانت زعلانه جدا و راحت لباباها و فضلت تعيط و قالتلو و هى زعلانه انا عايزه حلاوه المولد زى أطفال سكان العماره ال هما(سما و ريم و جودى و رنا) وباباها قال ليها معلش يا كنزى انا مش هعرف اجيب لك حلاوه المولد السنه دى عشان مش معايا فلوس كنزى رفضت و قعدت تعيط مامتها جيهان قالت لها يا كنزى يا حبيبتى احنا لازم يكون عندنا حاجتين ايه هما؟(الصبر و الرضا)لازم ترضى بحالك و ال مديهولك ربنا و لازم تصبري و يكون عندك صبر لان ال بيصبروا و بيرضوا بقضاء ربنا بيدخلوا الجنه كنزى مسحت دموعها وقالت لمامتها كلام جميل يا ماما وانا مش هزعل تانى خالص و هرضى ب ال انا فيه و ال ربنا اعطاهولى و كمان هيكون عندى صبر و خلص اليوم ونامت كنزى و مامتها و باباها و تانى يوم جت ناس وزعت عليهم علبتين حلاوه المولد و قالت لهم احنا بنعمل خير و دول هديه ليكم فرحت كنزى جدا و فرح الحاج ابراهيم و جيهان قالت لكنزى شوفتى يا كنزى عشان صبرتى و رضيتي بحالك ربنا بعتلك مكافأه و ابتسمت كنزى و اتعلمنا النهارده من قصتنا الصبر و الرضا
اتمنى ان تكون القصه قد نالت اعجابكم
