ربيع جمال الجوهرى يكتب(شوية تخاريف من حرارة الصيف )

●لكل أصحابي يا ريت تعفوني من سلام الأيدين والبوس في الصيف ونخترع سلام جديد اسمه (سلام الحواجب )جربوه والله حاجة تحفه.

●لما تلاقي راجل احلوّ أعرف إنه بيحب ، ولمّا تلاقى ست إحلوّت اعرف إنها اطلّقت.

● ما هو تعريف الإنسان الرﺧم
= هو الإنسان إللي أمه خدت فيه برشام منع الحمل وجه برضه.

●(كنت حاسس ) من اكثر الجمل اللي بقولها في بيتنا وإحنا بناكل، وخاصة لما حد يوقع كوباية الميّة.

●كل كلاكسات العربيات اللي سمعتها يوم فرحك دي كانت أخر تنبيه ليك انك انضميت للمغفلين لما اتجوزت بس أنت مفهمتش .

●حظي في الدنيا عامل زي أم جرجس اللي كسبت عمره والله .

●والله لو الشرع محلل للستات تتجوز أربعة هيلضمونا فـي بعض زي السبحة .

●قبل ما انام بفتح النور ثواني احفظ طريق السرير وبعدين اطفيه وجٍري .

●مريم أنا ببقي مطمن وأنتي جنبي
— طب وأنا مش جنبك ؟
– سلمي بتطمني.

●اتجوزي إللي شكله حلو عشان عيالك يطلعوا حلوين
سيبك من الشخصية أنتي كدا كدا هتطلقي .

●أنت مبتسالش لية …معنديش أسئلة .!!

● لو دخلت المطبخ ولقيت كل الكوبايات مش مغسوله ممكن أشرب فـ الحله عادي

●-دكتور :- بقالي فتره مش طايق الناس ممكن اعرف عندي ايه ؟
-عندك حق .

●الواحد بقى يقول صباح الخير يلاقي نفسه صارف ١٠٠ جنيـه .

● لن يتحدثوا عنك بالخير إلا فـ جنازتك هذا إن أعجبهم العشاء طبعـا .

●عاتب مراتك في البيت وامدحها قدام الناس وافتخر بيها قدام ولادك واتجوز عليها في السر

●تخيل مصر وانت بتشتري حاجه في ٢٠٤٠ تلاقي البقال بيقول لك
{كدا باقيلك 100 جنيه، تاخد بيهم لبان كلورتس .

●يا بلادي انا أمتى ههرب .

●من الضروري الالتفات لرأي الأغبياء كونهم يشكلون الأغلبية العظمي

●مش جايلي نوم وعمال بفكر
هو ازاي الامير مبيلزقش في الانبوبه اللي محطوط فيها!!!